Heidelberger Gesamtverzeichnis der griechischen Papyrusurkunden Ägyptens

P.Lond. VI 1912 TM Nr. 16850

Letter of Claudius

Alexandria 41, 10. Nov.
Andere Publikationen C.Pap.Jud. II 153; Sel. Pap. II 212
Material Papyrus
BL-Einträge
(nach BL-Konkordanz)
VIII, S. 194f.; IX, S. 148; X, S. 109; XI, S. 122; XII, S. 109/110
Bemerkungen Vgl. REA 105, 2003, S. 435-468.
Übersetzungen
verbergenanzeigen
Deutsch:
  • TUAT, N.F. 3 (2006), VIII 2.1.
Englisch:
  • Johnson - Coleman-Norton - Bourne, Ancient Roman Statutes (1961), S. 138-139, Nr. 167
  • Braund, Augustus to Nero (1985), Nr. 571
  • Levick, Government (1985), Nr. 120
  • White, Ancient Letters (1986), 88.
Französisch:
  • Petit, Le premier siècle de notre ère (1968), Nr. 36 (Z. 28-51) und Nr. 63 (Z. 2-100)
  • Schubert, Vivre en Égypte (2000), S. 176-179, Nr. 60 (Z. 1-13, 73-104)
  • Burnet, L'Égypte ancienne (2003), Nr. 20
  • Rome et le monde provincial (2012), Nr. 217 (Auszüge)
Inhalt Brief, Kaiser, Kaiserkult, Bürgerrecht, Juden
Texte der DDbDP papyri.info Infofenster für digitale Inhalte wieder einblenden
1
Λούκιος Αἰμίλλιος Ῥῆκτος λέγει·
ἐπειδὴ τῇ ἀναγνώσει τῆς ἱ̣εροτάτης(*)
καὶ εὐεργετικωτάτης ἰς(*) τὴν πόλειν(*)
ἐπιστολῆς πᾶσα ἡ πόλεις(*) παρατυχεῖν
5οὐκ ἠδυνηθην(*) διὰ τὸ̣ π̣λ̣ῆ̣θος αὐτῆς,
ἀνανκαῖον(*) ἡγησάμην ἐκθεῖναι
τὴν ἐπιστολὴν ἵνα κατʼ ἄνδρα ἕκαστον
ἀναγεινοσκων(*) αὐτὴν τή̣ν τε μεγαλιό̣τητ\α/(*)
τοῦ θεοῦ ἡμῶν Καίσαρος θαυμάσητε
10καὶ τῇ πρὸς τὴν πόλε̣ιν(*) ⟦ομοια⟧ εὐνοίᾳ
χάριν ἔχητε. (ἔτους) β Τιβερίου Κλαυδίου
Καίσαρος Σεβαστοῦ Γερμανικοῦ Αὐτοκράτορος,
μηνὸς Νέου Σεβαστο(ῦ) ιδ.
2
Τιβέριος Κλαύδιος Καῖσαρ Σεβαστὸς Γερμανικὸς Αὐτοκράτωρ ἀρχιιερεὺς(*)
15μέγειστος(*) δημαρχικῆς ἐξουσίας ὕπατος ἀποδεδιγμένος(*) Ἀλεξανδρέων
τῇ πόλει χαίρειν. Τιβέριος Κλαύδιος Βάρβιλλος, Ἀπολλώνις Ἀρτεμιδώρου,
Χαιρήμων Λεονίδου(*), Μᾶρκος Ἰούλιος Ἀσκληπιάδης, Γάιος Ἰούλιος Διονύσιο(ς),
Τιβέριος Κλαύδιος Φανίας, Πασίων Ποτάμωνος, Διονύσιος Σ̣αββ̣ί̣ωνος
Τιβέριος Κλαύδις Ἀπολλώνις Ἀρίστονος, Γάιος Ἰούλιος Ἀπολλ̣ώνιος, Ἑρμαίσκος
20Ἀπολλωνίου, ὑ(*) πρέσβεις ὑμῶν, ἀναδόντες μοι τὸ ψήφισμα πολλὰ περὶ
τῆς πόλεως διεξῆλθον, ὑπαγόμενοί μοι δῆλον πρὸς τὴν ε̣ἰς ἡμᾶς(*)
εὔνοιαν ἣν ἐκ πολλῶν χρόνων, εὖ εἴστε(*), παρʼ ἐμοὶ τεταμιευμένη̣ν̣ ε̣  ̣
εἴχεται(*), φύσει μὲν εὐσεβεῖς περὶ τοὺς Σεβαστοὺς ὑπάρχοντες, ὡς
ἐκ πολλῶν μοι γέγονε γνόριμον(*), ἐξερέτως(*) δὲ περὶ τὸν ἐμὸν
25οἶκον καὶ σπουδάσαντες καὶ σπουδασθέντος, ὧν εἵνα(*) τὸ τελευ-
ταῖον εἴπωι(*) παρεὶς τὰ ἄλλα μέγειστός(*) ἐστιν μάρτυς οὗμὸς(*) ἀδελφὸς
Γερμανικὸς Καῖσ̣α̣ρ γνησιωτέραις ὑμᾶς φωναῖς προσαγορεύσας·
διόπερ ἡδέως προσεδεξάμην τὰς δοθείσας ὑφʼ ἡμῶν(*) μοι τιμὰς
καίπερ οὐκ ὢν πρὸς τὰ τοιαῦτα {ρ} ῥαίδιος(*). καὶ προ͂τα(*) μὲν Σεβαστὴν
30ὑμεῖν(*) ἄγειν ἐπιτρέπωι(*) τὴν ἐμὴν γενεθλείαν(*) ὃν τρόπον αὐτοὶ προ-
είρησθαι(*), τὰς τὲ(*) ἑκατασ\σ/ταχοῦ(*) τῶν ἀνδριάντων ἀναστάσεις
ἐμοῦ τε καὶ τοῦ γένους μου ποιήσασθε(*) συνχωρῶι(*)· ἐγὼ ὁρῶι(*) γὰρ
<ὅτι> πάντῃ μνημεῖα τῆς ἡμετέρας(*) εὐσεβείας εἰ̣ς̣ τ̣ὸ̣ν ἐμὸν οἶκον
ὑδροσασθαι(*) σπουδασαται(*). τῶν δὲ̣ δυο̣ῖ̣ν χρυ[σῶ]ν ἀνδρ̣ι̣ά̣ν̣των
35ὁ μὲν Κλαυδιαν̣ῆ̣ς Εἰρήνης Σεβασ̣τῆς γεν̣ό̣[με]ν̣ο̣ς ὥ̣σ̣περ ὑπέθετο
καὶ προσελειπάρ̣η[σ]ε̣ν̣(*) \ὁ/ ⟦  ̣⟧ ἐμοὶ τιμ[ι]ώτ̣α̣τ̣ο̣ς̣ Βάρβιλ̣λ̣ο̣ς ἀρνουμένου
μου διὰ τὸ φορτ̣ι̣κ̣ό̣τ̣ε̣[ρο]ς(*) δ[οκ]ε̣ῖ[ν], ἐ̣π̣εὶ(*) Ῥώ̣μ̣η̣ς ἀνατεθήσεται,
3
ὁ δὲ ἕτερος ὃν τρόπον ὑμεῖς ἀξιοῦτε πομπεύσει ταῖς ἐπονύμαις(*)
ἡμέραις παρʼ ὑμῖν· συνπομπευέτωι(*) δὲ ⟦και αυ⟧ αὐτῶι καὶ δίφρος
40ᾧ βούλεσθαι(*) κόσμωι ἠσκημένος. εὐῆθες δʼ ἴσσως(*) τοσαύτας
προσ[ι]έμενον τειμὰς(*) ἀρνήσασθαι φυλὴν Κλαυδιανὰν(*) καταδῖξαι(*)
ἄλση · τε(*) κατὰ νομὸν παρεῖναι τῆς Αἰγύπ<τ>ου· διόπερ καὶ ταῦτά ⟦ημι̣ν̣⟧
θʼ ὑμεῖν(*) ἐπιτρέπωι(*), εἰ̣ δ̣ὲ̣ βούλεσθαι καὶ Οὐειτρασίου(*) Πολείωνος(*)
τοῦ ἐμοῦ ἐπιτρόπου τοὺς ἐφίππους ἀνδριάντας ἀναστήσατε. τῶν δὲ
45τετραπώλων ἀναστάσε̣[ι]ς <ἃς περὶ τὰς εἰσ>βολὰς τῆς χώρας ἀφιδρῦσέ μοι βούλεσθαι(*)
συνχωρῶι(*) τὸ μὲν περ̣ὶ̣ τὴν Ταπόσιριν καλουμένην τῆς Λιβύης
τὸ δὲ περὶ Φάρον τῆς Ἀλεξανδ̣ρε̣ίας τρίτον δὲ περὶ Πηλούσιον
τῆς Αἰγύπ<τ>ου στῆσαι, ἀρχιιερέα(*) δʼ ἐμὸν καὶ ναῶν κατασκευὰς
παρετοῦμε(*), οὔτε φορτι̣κὸς τοῖς κατʼ ἐμαυτὸν ἀνθρόποις(*)
50βουλόμενος εἶναι τὰ ἱ̣ε̣ρ̣ὰ δὲ καὶ τὰ τοιαῦτα μόνοις τοῖς θεοῖς
ἐξέρετα(*) ὑπὸ τοῦ παντὸς αἰῶνος ἀποδεδόσθαι κρίν[ω]ν.
περὶ δὲ τῶν αἰτηθ̣έ̣ν̣των ἃ παρʼ ἐμοῦ λαβεῖν ἐσπουδάκα-
τε οὕτως γεινώσκωι(*)· ἅπασι τοῖς ἐφηβευκώσει(*) ἄχρει(*) τῆς
ἐμῆς ἡγεμονείας(*) βαί⟦βον⟧βαιον(*) διαφυλάσσωι(*) τὴν Ἀλεξανδρέων
55πολειτείαν(*) ἐπὶ τοῖς τῆς πόλεως τειμείοις(*) κ̣α̣ὶ̣ φ̣ι̣λανθρόποις(*)
πᾶσει(*) πλὴν εἰ μή τινε̣ς ὑπῆλθον ὑμᾶς ὡς ἐ̣γ δ̣ού̣λ̣ων
γ[ε]γ̣ονότες ἐφηβεῦ\σαι̣/⟦  ̣  ̣  ̣  ̣  ̣⟧, καὶ τὰ ἄλλα δὲ οὐχ ἧσσον εἶ̣ν̣α̣ι βούλομε(*)
β̣έ̣βαια πάνθʼ ὅσα ὑμεῖν(*) ἐχαρίσθη ὑπό τε τῶν π̣ρ̣ὸ ἐμοῦ ἡγεμόνων
καὶ τῶν βασιλέων καὶ τῶν ἐπάρχων, ὡς καὶ [ὁ] θεὸς Σεβαστὸς ἐβεβαίωσε.
4
60τοὺς δὲ νεοκόρους(*) τοῦ ἐν Ἀλεξανδρείᾳ ναοῦ ὅς ἐστ̣ι̣ν τοῦ θεοῦ
Σεβαστοῦ κληροτοὺς(*) εἶναι βούλομε(*) καθὰ καὶ ὑ(*) ἐν Κανόπωι(*)
τοῦ αὐτοῦ θεοῦ Σεβαστοῦ κληροῦνται. ὑπὲρ δὲ τοῦ τὰς πολει-
τεικάς(*) ἀρχὰς τριετῖ̣ς(*) εἶναι καὶ πάν<υ> ἐμοὶ ⟦υ⟧ καλῶς βεβουλεῦσθαι
δοκεῖται(*), ὑ(*) γὰρ <ἄρ>χοντες φώβωι(*) τοῦ δώσειν εὐθύνας ὧν κακῶς
65ἦρξαν μετριώτεροι ἡμεῖν(*) προσενεκθήσονται(*) τὸ̣ν̣ ἐ̣ν ταῖς
ἀρχαῖς χρόνον. περὶ δὲ τῆς βουλῆς ὅ τι μέν ποτε σύνηθες
ὑμ̣εῖν(*) ἐπὶ τῶν ἀρχαίων βασιλέων οὐκ ἔχωι(*) λέγειν, ὅτι δὲ ἐπὶ τῶν
πρὸ ἐμοῦ Σεβαστῶν οὐκ εἴχεται(*) σαφῶς οἴδατε. καινοῦ δὴ
πράγματος νῦν προ͂των(*) καταβαλλομένου ὅπερ ἄδηλον εἰ συνοί-
70σει τῇ πόλει καὶ τοῖς ἐμοῖς πράγμασει(*) ἔγραψα Αἰμιλλίωι Ῥήκτωι
διασκέψασθαι καὶ δηλῶσέ(*) μοι εἴ ται(*) καὶ συνείστασθαι(*) τὴν ἀρχὴν δεῖ,
τόν τε τρόπον, εἴπερ ἄρα συνάγειν δέυ(*), καθʼ ὃν γενήσεται τοῦτο.
τῆς δὲ πρὸς Ἰουδαίους ταραχῆς καὶ στάσεως μᾶλλον δʼ εἰ χρὴ τὸ ἀλη̣θὲς
εἰπεῖν τοῦ πολέμου πότεροι μὲν αἴτιοι κατέστησαν καίπερ
75ἐξ ἀντικαταστάσεως πολλὰ τῶν ἡμετέρων(*) πρέσβεων
φιλοτειμηθέντων(*) καὶ μάλιστα Διονυσίου τοῦ Θέων[ο]ς ὅμως
οὐκ ἐβουλήθην ἀκριβῶς ἐξελένξαι(*), ταμιευόμενος ἐμ̣αυτῶι
κατὰ τῶν πάλειν(*) ἀρξαμένων ὀργὴν ἀμεταμέλητον·
ἁπλῶς δὲ προσαγορεύωι(*) ὅτι ἂν μὴ καταπαύσηται(*) τὴν ὀλέ-
80θριον ὀργὴν ταύτην κατʼ ἀλλήλων αὐθάδιον ἐγβιασθήσομαι
δῖξαι(*) ὗόν(*) ἐστιν ἡγεμὼν φιλάνθροπος(*) εἰς ὀργὴν δικαίαν μεταβεβλη-
μένος. διόπερ ἔτι καὶ νῦν διαμαρτύρομε(*) εἵνα(*) Ἀλεξανδρεῖς μὲν
πραέως καὶ φιλανθρόπως(*) προσφέροντε(*) Ἰουδαίος(*) τοῖς
τὴν αὐτὴν πόλειν(*) ἐκ πολλῶν χρόνων οἰκοῦσει(*)
5
85καὶ μηδὲν τῶν πρὸς θρησκείαν αὐτοῖς νενομισμένων
τοῦ θεοῦ λοιμένωνται(*) ἀλλὰ ἐῶσιν αὐτοὺς τοῖς ἔθεσιν
χρῆσθαι ὗς(*) καὶ ἐπὶ τοῦ θεοῦ Σεβαστοῦ, ἅπερ καὶ ἐγὼι(*)
διακούσας ἀμφοτέρων ἐβεβαίωσα· καὶ Ἰουδέοις(*) δὲ
ἄντικρυς κελεύωι(*) μηδὲν πλήωι(*) ὧν πρότερον
90ἔσχον περιεργάζεσθαι μηδὲ ὥσπερ ἐν δυσεὶ(*) πόλεσειν(*) κα-
τοικοῦντας δύο πρεσβείας ἐκπέμπειν τοῦ λοιποῦ,
(*) μὴ πρότερόν ποτε ἐπράκθη(*), μηδὲ ἐπισπαί̣ρ̣ε̣ιν
γυμνασιαρχικοῖς ἢ κοσμητικοῖς ἀγῶσει(*),
καρπουμένους μὲν τὰ οἰκῖα(*) ἀπολάοντας(*) δὲ
95ἐν ἀλλοτρίᾳ πόλει περιουσίας ἁπάντων ἀγαθῶν,
μηδὲ ἐπάγεσθαι ἢ προσείεσθαι(*) ἀπὸ Συρίας ἢ Αἰγύπ<τ>ου
καταπλέοντας Ἰουδαίους ἐξ οὗ μείζονας ὑπονοίας
ἀνανκασθήσομε(*) λαμβάνειν· εἰ δὲ μή, πάντα
τρόπον αὐτοὺς ἐπεξελεύσομαι καθάπερ κοινήν
100τεινα(*) τῆς οἰκουμένης νόσον ἐξεγείροντας. ἐὰν
τούτων ἀποστάντες ἀμφότεροι μετὰ πρα̣ότητος
καὶ φιλανθροπείας(*) τῆς πρὸς ἀλλήλους ζῆν ἐθελήσητε
καὶ ἐγὼι(*) πρόνοιαν τῆς πόλεως ποήσομαι(*) τὴν ἀνατατωι
καθάπερ ἐκ προγόνων οἰκίας(*) ὑμῖν ὑπαρχούσης.
105Βαρβίλλωι τῶι ἐμῶι ἑτέρωι(*) μαρτυρῶι(*) ἀεὶ πρόνοια[ν]
ἡμῶν(*) παρʼ ἐμοὶ ποιουμένωι, ὃς καὶ νῦν πάσηι φιλο-
τειμείᾳ(*) περὶ των(*) ἀγο͂να(*) τὸν ὑπὲρ ὑμῶν κέχρ[ητε](*),
καὶ Τιβερίωι Κλαυδίωι Ἀρχιβίωι τῶι ἐμῶι ἑτέ[ρωι](*).
ἔρρωσθαι(*).
papyri.info
Übersetzungen aus dem HGV
keine Übersetzungen verfügbar